Прескокни до содржината

Првата нарачка: таблата, пробата и линкот

Водич · Првите чекори · 2 мин читање · ажурирано 12.11.2026

Поврзи уред за таблата, направи пробна нарачка и сподели го менито со гостите.

Содржина
  1. Поврзи уред за таблата
  2. Направи пробна нарачка
  3. Сподели го менито
  4. Првата недела

Менито е спремно. Остануваат три чекори: уред на кој ќе стигнуваат нарачките, една проба и споделување на линкот. Ако твојот објект има само мени, без нарачки, прескокни до „Сподели го менито“.

Поврзи уред за таблата

Таблата е екранот на кој персоналот ги гледа и прифаќа нарачките. Може да биде таблет, телефон или компјутер.

  1. Во панелот отвори Нарачки → Табла за нарачки и допри Поврзи уред.
  2. Со уредот за шанкот скенирај го QR кодот што се појавува.
  3. Таблата се отвора на уредот, без лозинка. Допри Почни смена.

Персоналот на таблата ги гледа само нарачките: без цени, поставки и приходи. Изгубен уред го исклучуваш од истата страница.

Направи пробна нарачка

Од твојот телефон отвори го менито, стави нешто во кошничката и нарачај, како гостин. На таблата нарачката се огласува со звук. Прифати ја, избери време и следи ја на телефонот: гостинот го гледа секој чекор.

На крај одбиј ја со причина, на пример „Пробна нарачка“, за да не остане меѓу вистинските.

Сподели го менито

Линкот до менито е во Објект → Податоци. Стави го:

  • во профилот на Instagram и Facebook;
  • во пораките на Viber и WhatsApp кога гостите прашуваат за мени;
  • на Google Maps, во полето за мени или веб-страница.

Во Маркетинг → За печатење има готови материјали со QR код: налепница за маса и летак за кесите за достава.

Првата недела

Гледај ја Почетна во панелот: „Денес“ покажува колку нарачки има, а „Идеја за денес“ предлага објава за социјалните мрежи. Повеќе за секој дел има во другите делови од Водичот.

Немаш Umexa Food?

Пробај го на твојот објект, 30 дена бесплатно.

Побарај тест